முள்ளியவளைக்கு தபாலகம் வேண்டும்

நடராசா கிருஸ்ணகுமார்

முல்லைத்தீவு, முள்ளியவளையில் தபாலகமொன்றை அமைத்துத் தருமாறு முள்ளியவளைப் பகுதி கிராம அபிவிருத்திச் சங்கங்கள் முல்லைத்தீவு மாவட்டச் செயலாளரிடம் கோரிக்கை முன்வைத்துள்ளன.

முல்லைத்தீவின் உப நகரமான முள்ளியவளையில், தபாலகம் ஒன்று இல்லாததன் காரணமாக மீளக்குடியமர்ந்துள்ள பெருமளவு மக்கள் 5 கிலோமீற்றரிலுள்ள முல்லைத்தீவு நகரத்துக்குச் செல்ல வேண்டியுள்ளது.

இதன் காரணமாக பொதுமக்கள் போக்குவரத்து சிரமங்களை எதிர்கொள்கின்றனர் என்று அபிவிருத்திச் சங்கங்கள் வேண்டுகோள் விடுத்துள்ளன.

கடந்த 25ஆம் திகதி நடைபெற்ற மாவட்ட அபிவிருத்திக் குழுக்கூட்டத்திலும் இவ்விடயத்தை அவர்கள் எடுத்துக்கூறியிருந்தமை குறிப்பிடத்தக்கது.