மீளக்குடியமர்ந்த குடும்பங்களுக்கு காணி உறுதி

-செல்வநாயகம் கபிலன்

கோப்பாய் பிரதேச செயலாளர் பிரிவுக்குட்பட்ட ஜே-283 அக்கரை கிராமசேவையாளர் பிரிவில் மீளக்குடியமர்ந்த 50 குடும்பங்களுக்கு நிரந்தரமாக காணி உறுதி வழங்க நடவடிக்கை எடுக்கப்பட்டுள்ளதாக கோப்பாய் பிரதேச செயலக தகவல்கள் தெரிவிக்கின்றன.

யுத்தத்துகு;கு முன்னர் இப்பகுதியில் இருந்த மக்களுக்கு அரசாங்கம் இந்நிலப்பரப்பை நன்கொடையாக வழங்கியிருந்தது. அவர்களுக்கு நிரந்த உறுதி வழங்கப்பட்டிருக்கவில்லை.

9 ஏக்கர் நிலப்பரப்பை உடைய இப்பகுதியில் மீளக்குடியமர்வதற்கு 102 குடும்பங்கள் பதிவுகளை மேற்கொண்டிருந்தனர். எனினும், தற்போது 50 குடும்பங்கள் வசித்து வருகின்றன.

இவர்களுக்கான காணி உறுதியை வழங்குவதற்குரிய பதிவுகளை மாகாண காணி அமைச்சின் ஊடாக கோப்பாய் பிரதேச செயலகம் மேற்கொண்டு வருகின்றது.