மணல் கடத்தியவருக்கு அபராதம்

-செல்வநாயகம் கபிலன்

சட்டவிரோதமான முறையில் மணல் அகழ்ந்து டிப்பர் வாகனத்தில் எடுத்துச்சென்ற சாரதியொருவருக்கு 50 ஆயிரம் ரூபாய் அபராதம் விதித்து சாவகச்சேரி நீதவான் நீதிமன்ற நீதவான் திருமதி ஸ்ரீநிதி நந்தசேகரன் செவ்வாய்க்கிழமை (12) தீர்ப்பளித்தார்.

சாவகச்சேரி பொலிஸாரால் டிப்பர் சாரதிக்கு எதிராக தாக்கல் செய்யப்பட்ட வழக்கு, செவ்வாயன்று விசாரணைக்கு எடுத்துக்கொள்ளப்பட்டது.

இதன்போது, சந்தேகநபர் மீதான குற்றச்சாட்டு நிரூபிக்கப்பட்டதைத் தொடர்ந்து. அவருக்கு அபராதம் விதித்து தீர்ப்பளித்த நீதவான், மணலை பறிமுதல் செய்யுமாறு பொலிஸாருக்கு பணித்தார்.

அத்துடன் டிப்பர் வாகனத்தினை, அதன் உரிமையாளரிடம் ஒப்படைக்குமாறு சாரதிக்கு உத்தரவிட்டார்.