மந்திரிமனை பகுதியில் சடலம் மீட்பு

- சொர்ணகுமார் சொரூபன்

யாழ்ப்பாணம், கல்வியங்காட்டுப் பகுதியில் அமைந்துள்ள மந்திரிமனையிலிருந்து சுமார் 65 வயது மதிக்கத்தக்க முதியவரின் சடலம் இன்று செவ்வாய்க்கிழமை மீட்கப்பட்டதாக யாழ்ப்பாணப் பொலிஸார் தெரிவித்தனர்.

அந்தப் பகுதியில் அநாதரவான நிலையில் சுற்றித் திரிந்த வயோதிபரே இவ்வாறு சடலமாக  மீட்கப்பட்டுள்ளார்.  
சடலம் மீட்கப்பட்டு யாழ்ப்பாணம் போதனா வைத்தியசாலையின் பிரேத அறையில் வைக்கப்பட்டுள்ளது. மேலதிக விசாரணைகளை யாழ்ப்பாணப் பொலிஸார் மேற்கொண்டு வருகின்றனர்.

யாழ்ப்பாண இராச்சியத்தின் இறுதி மன்னனான சங்கிலிய மன்னன் இராச்சியத்தில் இந்த மந்திரிமனை உருவாக்கப்பட்டிருந்தமை குறிப்பிடத்தக்கது. இது யாழ்ப்பாணத்திலுள்ள சுற்றுலா தளங்களில் ஒன்றாக தற்போது காணப்படுகின்றது.