யாழ். மாநகர சபை மேயருக்கான போட்டியிலிருந்து மணிவண்ணன் நீக்கம்

- எஸ். நிதர்ஷன்

யாழ். மாநகர சபை மேயர் வேட்பாளருக்கான போட்டியிலிருந்து, அகில இலங்கை தமிழ்க் காங்கிரஸ் சார்பில் பிரேரிக்கப்பட்ட வி. மணிவண்ணன் நீக்கப்பட்டுள்ளார்.

மேயருக்கான இரகசிய வாக்கெடுப்பில், தமிழரசுக் கட்சியின் சார்பில் நிறுத்தப்பட்ட ஆர்னோல்ட் 18 வாக்குகளைப் பெற்றதோடு, அகில இலங்கை தமிழ்க் காங்கிரஸ் சார்பில் நிறுத்தப்பட்ட மணிவண்ணனும் ஈழ மக்கள் ஜனநாயகக் கட்சி சார்பில் நிறுத்தப்பட்ட றெமிடீயஸும் தலா 13 வாக்குகளைப் பெற்றனர்.

விதிகளின் படி குறைந்த வாக்குகளைப் பெற்றவர் நீக்கப்பட்டு, அதிக வாக்குகளைப் பெற்ற இருவருக்கிடையே வாக்கெடுப்பு நடைபெறவேண்டுமென்ற நிலையில், மணிவண்ணனும் றெமீடியஸும் தலா 13 வாக்குகளைப் பெற்ற நிலையில், குலுக்கல் முறையில் மணிவண்ணன் நீக்கப்பட்டிருந்தார்.