ரயில் சேவை நேரங்களில் மாற்றம்

-செல்வநாயகம் கபிலன்

யாழ்ப்பாணத்துக்கும் கொழும்புக்கும் இடையிலான ரயில் சேவை நேரங்கள் எதிர்வரும் பெப்ரவரி மாதம் 5ஆம் திகதி முதல் மாற்றமடையவுள்ளதாக யாழ்ப்பாணம் புகையிரத நிலைய அதிபர் ரி.பிரதீபன் இன்று செவ்வாய்க்கிழமை (19) தெரிவித்தார்.

இதற்கிணங்க, யாழ்.தேவி ரயில், கல்கிசையிலிருந்து காலை 5.50 மணிக்கு புறப்பட்டு, கொழும்புக் கோட்டைக்குச் சென்று, காலை 6.35 மணிக்கு அங்கிருந்து புறப்பட்டு மாலை 02.37 மணிக்கு யாழ்ப்பாணத்தை வந்தடையவுள்ளது.

அதேபோல், யாழ்ப்பாணத்திலிருந்து காலை 9.35 மணிக்கு புறப்பட்டு, மாலை 6.32க்கு கொழும்பைச் சென்றடையவுள்ளது.

இதேவேளை, ஞாயிற்றுக்கிழமைக்கான விரைவு ரயில், காலை 8.20 மணிக்கு யாழ்ப்பாணத்திலிருந்து புறப்பட்டு, மாலை 4.25 மணிக்கு கொழும்பைச் சென்றடையவுள்ளது எனவும் அவர் தெரிவித்தார்.