விபத்தை ஏற்படுத்த முயற்சித்தவருக்கு அபராதம்

-செல்வநாயகம் கபிலன்

ஆபத்தான முறையில் வாகனத்தை செலுத்தி சாவகச்சேரி நீதவான் பயணம் செய்த உத்தியோகபூர்வ வாகனத்துக்கு விபத்தை ஏற்படுத்த முயற்சி செய்த சாரதி ஒருவருக்கு 3,000 ரூபாய் அபராதம் விதித்து சாவகச்சேரி நீதவான் நீதிமன்ற நீதவான் திருமதி ஸ்ரீநிதி நந்தசேகரன் புதன்கிழமை (02) தீர்ப்பளித்தார்.

சாவகச்சேரி பகுதியில் சிறுவர்களை ஏற்றிச் சென்ற பஸ் சாரதி முன்னே எரிபொருள் ஏற்றி சென்ற பௌசரை முந்தி எதிரே வந்து கொண்டிருந்த நீதிவானின் உத்தியோகபூர்வ வாகனத்தை மோதி விபத்துக்குள்ளாக முயற்சி செய்துள்ளார்.

இதனை அவதானித்த நீதவான் கொடிகாமம் பொலிஸாருக்கு தகவல் வழங்கியிருந்தார்.

தகவலின் அடிப்படையில் குறித்த சாரதி கொடிகாமம் பொலிஸாரால் கைது செய்யப்பட்டார்.

கைது செய்யப்பட்ட சாரதியை புதன்கிழமை (02) நீதிமன்றத்தில் ஆஜர்படுத்தியபோதே இவ்வாறு உத்தரவு பிறப்பிக்கப்பட்டது.