விபத்தில் சிறுவன் உட்பட இருவர் படுகாயம்

சுப்பிரமணியம் பாஸ்கரன்

முல்லைத்தீவு ஒட்டுசுட்டான் - மாங்குளம் வீதியில் செவ்வாய்க்கிழமை (08) இடம்பெற்ற வீதி விபத்தில் சிறுவன் உட்பட இருவர் படுகாயமடைந்து வவுனியா பொது வைத்தியசாலையில் அனுமதிக்கப்பட்டுள்ளனர் என முல்லைத்தீவு பொலிஸார் தெரிவித்தனர்.

மாங்குளத்திலிருந்து ஒட்டுசுட்டான் நோக்கி சென்ற மோட்டார் சைக்கிள் வேகக்கட்டுப்பாட்டை இழந்து முன்னே சென்றுகொண்டிருந்த உழவு இயந்திரத்துடன் மோதியதில் இவ்விபத்து இடம்பெற்றுள்ளது.

இதில் ஜெயரூபன் சஜீவன் (வயது 15), சிவபாதம் அனுரதன் (வயது 21) ஆகிய இருவருமே படுகாயங்களுக்குள்ளாகினர்.

மேலதிக விசாரணைகளை பொலிஸார் மேற்கொண்டு வருகின்றனர்.