விபத்தில் வயோதிபர் படுகாயம்

-நா.நவரத்தினராசா

முச்சக்கரவண்டி விபத்தில் வயோதிபர் ஒருவர் படுகாயமடைந்து செவ்வாய்க்கிழமை (01) இரவு தெல்லிப்பழை ஆதார வைத்தியசாலையில் அனுமதிக்கப்பட்டுள்ளார் என சுன்னாகம் பொலிஸார் தெரிவித்தனர்.

காங்கேசன்துறை வீதியில் உள்ள சுன்னாகம் எரிபொருள் நிரப்பு நிலையத்திற்கு அருகில் இடம் பெற்ற இவ்விபத்தில் அளவெட்டி கிழக்கைச் சேர்ந்த ஓய்வு பெற்ற ஆசிரியரான செல்லத்துரை அருணாசலம் (வயது 78) என்பவரே படுகாயமடைந்துள்ளார்.

எரிபொருள் நிரப்பு நிலையத்திலிருந்து சைக்கிளில் பிரதான வீதிக்கு வந்த வேளை வேகமாக வந்த ஆட்டோ மோதியதில் இந்த விபத்து இடம் பெற்றுள்ளது.

சுன்னாகம் பொலிஸார் மேலதிக விசாரணைகளை மேற்கொண்டுள்ளனர்.