விமானப்படையினர் பாவம்

எம்.றொசாந்த்

வலிகாமம் வடக்கில் மக்களின் காணிகளை இராணுவத்தினரும் கடற்படையினரும் மட்டுமே கையகப்படுத்தி வைத்துள்ளனர். விமானப் படையினர் தங்கள் பாட்டுக்கு இருக்கின்றனர் என வலிகாமம் வடக்கு மீள்குடியேற்ற அமைப்பின் தலைவர் அருணாசலம் குணபாலசிங்கம் தெரிவித்தார்.

தெல்லிப்பழை பிரதேச செயலக ஒருங்கிணைப்புக் குழுக்கூட்டம் பிரதேச செயலக மாநாட்டு மண்டபத்தில் செவ்வாய்க்கிழமை (2) நடைபெற்றது. இதில் கலந்துகொண்டதன்  பின்னர், ஊடகவியலாளர்களுக்கு கருத்து தெரிவிக்கும்போதே   அவர் இவ்வாறு கூறினார்.

எமது காணிகளை முப்படையினரும் சுவீகரித்துள்ளனர் என்று கூறப்படுகின்றது. உண்மையில் முப்படையினரும் எமது காணிகளை சுவீகரித்து வைத்திருக்கவில்லை. இராணுவமும் கடற்படையினருமே எமது காணிகளை பிடித்து வைத்துள்ளனர். விமானப்படையினர் தம்பாட்டுக்கு இருக்கின்றனர்' என்றார்.