வாரம் ஒரு தடவை சிரமதானப் பணி

-நடராசா கிருஸ்ணகுமார்

கிளிநொச்சி, அக்கராயன் பிரதேச மருத்துவமனையில் அக்கராயன் பிரதேசத்திலுள்ள கிராம அபிவிருத்திச் சங்கங்கள் வாரம் ஒரு தடவை சிரமதானப் பணியில் ஈடுபவதென முடிவு எடுக்கப்பட்டுள்ளதாக  அபிவிருத்திச் சங்கத்தினர் தெரிவித்தனர்.

மருத்துவமனையின் சூழலை அழகுப்படுத்தும் நோக்குடனேயே இம்முடிவு எடுக்கப்பட்டுள்ளது.

அக்கராயன் கிராமத்தில் நான்கு கிராம அபிவிருத்திச் சங்கங்கள் இயங்குகின்றன. இதேபோன்று ஸ்கந்தபுரம், கோணாவில் ஆகிய கிராம மக்களும் சிரமதானப் பணியில் ஈடுபடவுள்ளமை குறிப்பிடத்தக்கது.