வயல் கிணற்றிலிருந்து ஆயுதங்கள் மீட்பு

-செல்வநாயகம் கபிலன்

வல்வெட்டித்துறை, இலந்தைக் காட்டுப் பகுதியில் அமைந்துள்ள வயல் கிணற்றிலிருந்து ஞாயிற்றுக்கிழமை (03) ஆயுதங்கள் சில மீட்கப்பட்டதாக வல்வெட்டித்துறைப் பொலிஸார் தெரிவித்தனர்.

2 கைக்குண்டுகள் மற்றும் ஏழு 80 மில்லிமீற்றர் மோட்டார் குண்டுகள் ஆகியன இவ்வாறு மீட்கப்பட்டுள்ளன.

நீண்டகாலமாக பயன்பாடற்றிருந்த இந்த வயல் கிணற்றை நேற்று துப்பரவு செய்யும் போது, ஆயுதங்கள் இனங்காணப்பட்டு, பொலிஸாருக்கு அறிவிக்கப்பட்டது. நீதிமன்றத்தின் கவனத்துக்கு கொண்டு வந்த பொலிஸார், விசேட அதிரடிப் படையினரின் உதவியுடன் ஆயுதங்களை மீட்டனர்.