வாக்குப்பெட்டிகள் எடுத்துச்செல்லப்பட்டன

உள்ளுராட்சி சபைகள் தேர்தல் நாளை (10) நடைபெறவுள்ள நிலையில், வாக்குப்பெட்டிகள், யாழ். மாவட்டத்தின் வாக்களிப்பு நிலையங்களுக்கு  இன்று (09) காலை எடுத்துச்செல்லப்பட்டன.

யாழ்ப்பாணம் மத்திய கல்லூரியில் அமைந்துள்ள யாழ்.மாவட்டத்தின் தேர்தல் மத்திய நிலையத்திலிருந்து வாக்குப்பெட்டிகள் வாக்களிப்பு நிலையங்களுக்கு  எடுத்துச் செல்லப்பட்டன.

யாழ்ப்பாண மாவட்டத்தில் மாநகர சபை, 3 நகர சபைகள் மற்றும் 13 பிரதேச சபைகள் என 17 உள்ளுராட்சி சபைகளுக்கான தேர்தல் இடம்பெறவுள்ளது. 243 வட்டாரங்களில் 521 வாக்களிப்பு நிலையங்கள் அமைக்கப்பட்டுள்ளன.

வாக்குப்பதிவு நாளை காலை 7 மணிக்கு ஆரம்பமாகி மாலை 4 மணிக்கு நிறைவடையவுள்ளது. வாக்கு எண்ணும் பணிகள் அந்த அந்த வட்டாரத்திலேயே மாலை 5 மணிக்கு ஆரம்பமாகவுள்ளன.