புத்தளத்திற்கு கொண்டுவரப்பட்ட 65 செம்மறி ஆடுகள் பொலிஸாரால் மீட்பு

(எம்.என்.எம்.ஹிஜாஸ்)

நொச்சியாகம பிரதேசத்திலிருந்து புத்தளத்திற்கு கொண்டுவரப்பட்ட 65 செம்மறி ஆடுகளும் 15 ஆடுகளும் புத்தளம் - அனுராதபுர வீதியிலுள்ள இராணுவ முகாமிற்கு அருகில் வைத்து புத்தளம் பொலிஸாரினால் இன்று ஞாயிற்றுக்கிழமை மீட்கப்பட்டுள்ளது.

குறித்த மிருகங்கள் அனுமதி பத்திரமின்றியும் அளவுக்கு அதிகமாகவும் கொண்டு வரப்பட்டமையினாலேயே பொலிஸாரினால் மீட்கப்பட்டதாக பொலிஸார் தெரிவித்தனர்.

இதன்போது குறித்த லொறி பொலிஸாரினால் கைப்பற்றப்பட்டதுடன் லொறி சாரதி உட்பட மேலும் இருவர் கைது செய்யப்பட்டு பிணையில் விடுவிக்கப்பட்டுள்ளனர்.

இது தொடர்பான மேலதிக விசாரணைகளை புத்தளம் பொலிஸார் மேற்கொண்டு வருகின்றனர்.