போலி இலக்கத்தகடுகளுடன் விற்பனைக்கு தயாராகவிருந்த 4 மோட்டார் சைக்கிள்களுடன் ஒருவர் கைது

Suganthini Ratnam / 2012 செப்டெம்பர் 17 , மு.ப. 04:37 - 0 - {{hitsCtrl.values.hits}}

(ஜூட் சமந்த,அப்துல்லாஹ்,எஸ்.எம்.மும்தாஜ்)

திருடப்பட்டு அவற்றுக்கு போலியான இலக்கத் தகடுகளைப் பொருத்தி விற்பனை செய்வதற்கு தயாராக வைக்கப்பட்டிருந்ததாகக் கூறப்படும் 4 மோட்டார் சைக்கிள்களுடன் சந்தேக நபரொருவர் ஆராய்ச்சிக்கட்டு வீதிச் சோதனைச் சாவடி பொலிஸாரினால் நேற்று ஞாயிற்றுக்கிழமை கைதுசெய்யப்பட்டுள்ளார்.

ஆராய்ச்சிக்கட்டு நகரில் சென்றுகொண்டிருந்த மோட்டார் சைக்கிளொன்றை பொலிஸார் நிறுத்தி; சோதனையிட்டபோது, இம்மோட்டார் சைக்கிளில் பொருத்தப்பட்டிருந்த இலக்கத்தகடு போலியானதென்று தெரியவந்துள்ளதாக ஆராய்ச்சிக்கட்டு வீதிச் சோதனைச் சாவடி பொலிஸார் தெரிவித்தனர்.

இதனையடுத்து இம்மோட்டார் சைக்கிளை செலுத்தி வந்தவரை பொலிஸார் கைதுசெய்து விசாரணை மேற்கொண்டபோது ஆராய்ச்சிக்கட்டு, வெலிபெலஸ்ஸ பிரதேசத்திலுள்ள வீடொன்றில் மறைத்துவைக்கப்பட்டிருந்ததாகக் கூறப்படும் மேலும் 3 மோட்டார் சைக்கிள்கள் பொலிஸாரினால் கைப்பற்றப்பட்டுள்ளதாகவும் இம்மோட்டார் சைக்கிள்கள் நீர்கொழும்பு, ஆண்டிகம அவிஸ்ஸாவளை, கொஸ்கம ஆகிய பிரதேசங்களில் திருடப்பட்டதாக விசாரணையிலிருந்து தெரியவந்துள்ளதாகவும் பொலிஸார் கூறினர்.

ஆராய்ச்சிக்கட்டு பொலிஸ் சோதனைச் சாவடியின் பொறுப்பதிகாரி பொலிஸ் பரிசோதகர் பத்திரண தலைமையிலான குழுவினர் இந்நடவடிக்கையில் ஈடுபட்டனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .