ஜனாதிபதியின் இரண்டாவது பதவிப் பிரமாண நிகழ்வினையொட்டி புத்தளத்தில் வைபவம்

(எஸ். எம். மும்தாஜ்)

எதிர்வரும் 19ஆம் திகதி ஜனாதிபதியின் இரண்டாவது பதவிப் பிரமாண நிகழ்வினையொட்டி புத்தளத்தில்  பல்வேறு வைபவங்கள் ஸ்ரீலங்கா சுதந்திரக் கட்சியின் புத்தளம் தொகுதி அமைப்பாளரும் முன்னாள் பிரதி அமைச்சருமான கே. ஏ. பாயிசின் தலைமையில் நடைபெறவுள்ளன.

எதிர்வரும் 15ஆம் திகதி முதல் 22ம் திகதி வரை புத்தளம் தொகுதியிலுள்ள சகல அரச மற்றும் தனியார் நிறுவனங்களில் தேசிய கொடிகளைப் பறக்க விடுவதெனவும்,  18ஆம் திகதி முதல் 19ஆம் திகதி வரை அரச நிறுவனங்கள் மின் விளக்குகளால் அலங்கரிப்பதெனவும் தீர்மானிக்கப்பட்டுள்ளது.

அத்துடன் வரும் 18ஆம் திகதி ஜனாதிபதியின் பிறந்த தினமாதலால் அன்றைய தினம் அவருக்கு ஆசி வேண்டிய பல்வேறு சமய வழிபாடுகளும் இடம்பெறவுள்ளன.

இதேவேளை புத்தளம் தொகுதியிலுள்ள கிராம அலுவலர் பிரிவுகள் தோறும் சிரமதானப் பணிகளும், மர நடுகை வேலைத்திட்டங்களும் மேற்கொள்ளப்படவுள்ளன.