புத்தளம் பலநோக்கு கூட்டுறவு தேர்தல்

(அப்துல்லாஹ்)

புத்தளம் பலநோக்கு கூட்டுறவு சங்கத்தின்  புத்தளம் நகர  கிளை  01க்கான புதிய பணிப்பாளர் சபை  உறுப்பினர்களை தெரிவு செய்யும் தேர்தல் இன்று நடைபெற்றது.

காலை  9 மணிக்கு ஆரம்பமான  தேர்தல் மாலை  4  மணிக்கு  நிறைவு பெற்று வாக்குகள் எண்ணும் பணிகள்  ஆரம்பமாகியுள்ளன.

புத்தளம் நகர  கிளை  01க்கு  9  புதிய உறுப்பினர்களை தெரிவு செய்வதற்காக  22 வேட்பாளர்கள் போட்டியிடுகின்றனர்.

இதேவேளை சிராம்பியடி கிளைக்கான புதிய பணிப்பாளர் சபைக்கு உறுப்பினர்களை தெரிவு செய்யும் தேர்தலும் இன்று நடைபெற்றது.

புத்தளம் பலநோக்கு கூட்டுறவு சங்கத்தின்  14  கிளைகளுக்கு வேட்பு மனுக்கள்  தாக்கல் செய்யப்பட்ட போதும்   புத்தளம் நகர  கிளை  01 மற்றும் சிராம்பியடி  ஆகிய கிளைகளுக்கு மட்டுமே  இன்று தேர்தல் நடைபெற்றது.

ஏனைய 12  கிளைகளுக்கும்  போட்டியின்றி உறுப்பினர்கள் தெரிவு செய்யப்பட்டனர்.