வட மத்திய மாகாண ஆசிரியர்களின் நிலுவைப் பணத்தை வழங்க நடவடிக்கை

(எம்.சீ.சபூர்தீன்)

வட மத்திய மாகாணத்திலுள்ள ஆசிரியர்களின் நிலுவைப் பணத்தை வழங்க 24 மில்லியன் ரூபாய்களை அரசாங்கம் ஒதுக்கியுள்ளதாக வடமத்திய மாகாண முதலமைச்சர் பேர்டி பிரேம்லால் திஸாநாயக்கா தெரிவித்தார்.

தற்பொழுது சகல வலயக் கல்விக் காரியாலயங்களுக்கும் ஆசிரியர் நிலுவைப் பணம் அனுப்பப்பட்டுள்ளதாகவும் வெகுவிரைவில் நிலுவை பணத்தை வழங்க நடவடிக்கை எடுக்கப்பட்டுள்ளதாக அவர் மேலும் குறிப்பிட்டார்.

இதேவேளை மாகாணத்திலுள்ள ஆசிரியர்களின் பிரத்தியேக ஆவணங்கள் ஒழுங்குபடுத்தும் செயற்பாடுகளும் 90 வீதம் நிறைவு பெற்றுள்ளதாகவும் முதலமைச்சர் தெரிவித்தார்.