புத்தளம் நகரில் ஆங்காங்கே குப்பைகளை வீசுவோருக்கு எதிராக சட்ட நடவடிக்கை

(அப்துல்லாஹ்)

புத்தளம் பிரதேசத்தில்  குப்பைக் கூலங்களை அதெற்கென ஒதுக்கப்பட்ட இடங்களில் வீசத் தவறுவோருக்கு எதிராக பொலிஸார் சட்ட நடவடிக்கைகளை எடுத்து வருகின்றனர்.

நகர அபிவிருத்தி அதிகார சபையின் வேண்டுகோளின் படி நகரங்களை சுத்தமாக வைக்கும் திட்டத்தின் கீழ் புத்தளம் நகரிலுள்ள  குப்பைக் கூலங்களை  புத்தளம் நகர சபை ஊழியர்கள் அகற்றும் அதேவேளை  புத்தளம் பொலிஸார் புத்தளம் நகரை அசுத்தப்படுத்துவோருக்கு எதிராக  சட்ட நடவடிக்கைகளை எடுத்தும் வருகின்றனர்.

குப்பை கூலங்களை  ஆங்காங்கே வீசுவோரை இனம்கண்டு அவர்களுக்கு எதிராக நீதிமன்றததில் வழக்குத் தாக்கல் செய்யப்ப்ட்டு தண்டனையும் வழங்கப்படுகின்றது. குப்பை கூலங்களை அதெற்கென ஒதுக்கப்பட்ட இடங்களில்  இட  தவறுவோர் நாளொன்றிற்கு மூவர் வீதம் இனம் காணப்படுகின்றனர்.  

அவர்களுக்கு எதிராக  வழக்குத் தாக்கல் செய்யப்பட்டு வருகின்றது. ரூபா 10,000 முதல் ரூபா 15,000 வரை தண்டப் பணம் விதிககப்படுகின்றது.

புத்தளம் நகர சபை, புத்தளம் பிரதேச  சபை, பொலிஸ் திணைக்களம், வீதி அபிவிருத்தி அதிகார சபை, புத்தளம் வர்த்தக சங்கம், புத்தளம் பெரிய பள்ளி ஆகிய அமைப்புக்கள் ஒன்று சேர்ந்து  புத்தளம் நகரை சுத்தமாக வைக்கும் திட்டத்தினை முன்னெடுத்து வருகின்றன.

பொலிஸாரின் இந்த நடவடிக்கையைத் தொடர்ந்து புத்தளம் நகரில்   ஆங்காங்கே  குப்பை கூலங்களை வீசும்  நடவடிக்கை குறைவடைந்து புத்தளம் நகர், குப்பை கூலங்கள் அற்ற நகரமாக  மாறி வருகின்றது.