மழையினால் தம்புள்ளை வைத்தியசாலை பாதிப்பு

(மொஹொமட் ஆஸிக்)

தம்புள்ளை பிரதான வைத்தியசாலையின் இரண்டு வாட்டுகள் இன்று மாலை நீரில் மூழ்கியுள்ளதாக தம்புள்ளை வைத்தியசாலையின் பணிப்பாளர் டொக்டர் என்.எம்.எம்.இக்பால் தெரிவித்தார்.

தற்போது ஆறு மற்றும் ஏழாம் வாட்டுகளே இவ்வாறு நீரிழ் மூழ்கியுள்ளதாகவும் அவர் கூறுகின்றார்.

மத்திய மாகாணம் உட்பட நாட்டின் அனைத்து பிரதேசங்களிலும் பெய்துவரும் கடும் மழை காரணமாக மேலும் நீர்மட்டம் உயரக்கூடும் எனவும் அவ்வாறு நீர் மட்டம் உயர்ந்தால் வைத்தியசாலையின் வாட்டுகளின் நீர்மட்டம் மேலும் உயரலாம் எனவும், அவ்வாறு உயர்ந்தால் நோயாளிகளை வேறு வைத்தியசாலைகளுக்கு மாற்றம்செய்ய நேரிடும் எனவும் அவர் மேலும் கூறினார்.