ஹெரோயின் விற்பனையில் ஈடுபட்ட ஐவர் அநுராதபுரத்தில் கைது

(எம்.சீ.சபூர்தீன்)

அநுராதபுரம் நகரத்தை அண்மித்த பகுதிகளில் மேற்கொள்ளப்பட்ட சுற்றிவளைப்புக்களினூடாக ஹெரோயின் விற்பனையில் ஈடுபட்ட ஐவரை சந்தேகத்தின் பேரில் கைது செய்துள்ளதாக அநுராதபுரம் குற்றத்தடுப்புப் பிரிவு பொலிஸார் தெரிவித்தனர்.

அநுராதபுரம் புனித பூமிப் பகுதி (சிங்ககணு பகுதி), யாழ்ப்பாணம் சந்தி ஆகிய பகுதிகளில் மேற்கொள்ளப்பட்ட சுற்றிவளைப்புக்களின் போது இச்சந்தேக நபர்கள் கைது செய்யப்பட்டுள்ளதோடு அவர்களிடமிருந்து 20 ஹெரோயின் பக்கற்றுகளும் கைப்பற்றப்பட்டுள்ளன எனவும் பொலிஸார் தெரிவித்தனர்.

ஒரு பக்கற் ஹெரோயின் 500 முதல் 1000 ரூபா வரையில் விற்பனை செய்யப்படுவதாகவும் பொலிஸார் தெரிவித்தனர்.