விபத்தில் இளம் குடும்பஸ்தர் பலி

(ஆகில் அஹமட்)

கஹட்டகஸ்திகிலிய பொலிஸ் பிரிவுக்குட்பட்ட முதலாம் கட்டை பகுதியில் இடம்பெற்ற விபத்தில் படுகாயமடைந்த நிலையில் வைத்தியசாலையில் அனுமதிக்கப்பட்டு சிகிச்சை பெற்று வந்த  ஒருவர் சிகிச்சை பலனின்றி இன்று செவ்வாய்க்கிழமை மரணமடைந்துள்ளார்.

கஹட்டகஸ்திகிலிய கிரிபாவையைச் சேர்ந்த ரீ.றஸ்மின் (வயது 30) என்ற இளம் குடும்பஸ்தரே இவ்வாறு மரணமடைந்தவர் ஆவார்.

கஹட்டகஸ்திகிலிய – றத்மல்கஹவௌ வீதியில் வேகமாக பயணித்த மோட்டார் சைக்கிள் வேகக்கட்டுப்பாட்டை இழந்து பாதையோரமிருந்த மின்கம்பத்துடன் மோதி விபத்திற்குள்ளானதாக கஹட்டகஸ்திகிலிய பொலிஸ் நிலைய போக்குவரத்துப்பிரிவு பொலிஸார் தெரிவித்தனர். 

காயமடைந்த நபர் கஹட்டகஸ்திகிலிய வைத்தியசாலையில் அனுமதிக்கப்பட்டு பின்னர்   மேலதிக சிகிச்சைக்காக அநுராதபுரம் போதனா வைத்தியசாலைக்கு மாற்றப்பட்டு சிகிச்சை பெற்று வந்த நிலையிலேயே மரணமடைந்துள்ளார்.