கர்ப்பிணித் தாதியை வல்லுறவுக்குட்படுத்த முயன்ற சந்தேகநபருக்கு விளக்கமறியல்

(எம்.சீ.சபூர்தீன்)

விலச்சிய அரசினர் வைத்தியசாலையில் கடமை புரிந்த கர்ப்பிணித் தாதியொருவரை மது போதையில் பாலியல் வல்லுறவுக்குட்படுத்த முயற்சித்த சந்தேக நபரை இம்மாதம் 14ஆம் திகதி வரை விளக்கமறியலில் வைக்குமாறு அநுராதபுரம் பிரதான மஜிஸ்திராத் ருவன்னிகா மாரப்பன உத்தரவிட்டார்.

அநுராதபுரம், பரஸன்கஸ்வௌ பகுதியைச் சேர்ந்த நபர் ஒருவரே இவ்வாறு விளக்கமறியலில் வைக்கப்பட்டுள்ளார். சந்தேக நபர் குறித்த கர்ப்பிணித் தாதியினை பாலியல் வல்லுறவுக்குட்படுத்த முயற்சித்த போது அதிலிருந்து தப்பிக்க முற்பட்ட வேளையில் கட்டிலொன்றில் மோதி விழுந்ததில் குறித்த தாதியின் கையில் காயமேற்பட்டுள்ளதோடு தற்போது விலச்சிய அரச வைத்தியசாலையில் அவர் சிகிச்சை பெற்று வருவதாகவும் பொலிஸார்  நீதிமன்றத்தில் தெரிவித்தனர்.