மின்னல் தாக்குதலில் ஒருவர் பலி

(எஸ். எம். மும்தாஜ்)

சிலாபம் காவடியாவத்தை எனும் பிரதேசத்தைச் சேர்ந்த ஒருவர் மின்னல் தாக்குதலுக்குள்ளாகி உயிரிழந்துள்ளதோடு மற்றொருவர் தீக்காயங்களுடன் சிலாபம் வைத்தியசாலையில் அனுமதிக்கப்பட்டுள்ளதாக சிலாபம் பொலிசார் தெரிவித்தனர். நேற்று இரவு ஒன்பது மணியளவில் இச்சம்பவம் இடம்பெற்றுள்ளது.

நேற்றிரவு தமது மீன்பிடித் தொழிலுக்காக இவர்கள் இருவரும் கடலுக்குச் சென்றிருந்த சமயம் இவர்கள் மின்னல் தாக்குதலுக்கு உள்ளாகியுள்ளனர். இவர்களில் 30 வயதுடைய டப்ளிவ். லோவ் என்பவர் உயிரிழந்ததோடு மற்றவர் தீக்காயங்களுக்குள்ளாகி சிலாபம் வைத்தியசாலையில் அனுமதிக்கப்பட்டார்.