3 மாடி கட்டிடத்தின் கூரையிலிருந்து விழுந்து 14 வயது மாணவன் பலி

(ஹிரான் பிரியங்கர ஜயசிங்க)

புறா பிடிப்பதற்காக, நாத்தாண்டியவிலுள்ள பௌத்த விகாரையொன்றில் கூரையில் ஏறிய 14 வயது மாணவனொருவன் தவறி வீழ்ந்து உயிரிழந்துள்ளான். நேற்று வியாழக்கிழமை மாலை இச்சம்பவம் இடம்பெற்றுள்ளது.

இச்சிறுவன் மேலும் இரு சிறுவர்கள் சகிதம் புறா பிடிப்பதற்காக, நாத்தாண்டிய புஷ்பாராம விகாரையின் 3 மாடிகளைக் கொண்ட கட்டிடத்தின் உச்சியில் அன்டனா கம்பி வழியாக ஏறியதாகவும் இறங்க முற்படும்போது 35 அடி உயரத்திலிருந்து தவறி வீழ்ந்ததாகவும் பொலிஸார் தெரிவித்தனர்.

ஜே.எம்.சந்துன் தில்ஷான் ஜயசேகர எனும் சிறுவனே உயிரிழந்தாக பொலிஸார் தெரிவித்தனர். அச்சிறுவனின் சடலம் மாரவில வைத்தியசாலையில் பிரேத பரிசோதனைக்காக வைக்கப்பட்டுள்ளது.