பங்குச்சந்தை, தங்கம் விலை மற்றும் நாணயமாற்று வீத நிலைவரங்கள்

-ச.சேகர்

கொழும்பு பங்குசந்தையில் உள்நாட்டவர்களின் வலிந்த விற்பனை தொடர்வதுடன், வெளிநாட்டவர்கள் தொடர்ச்சியாக பங்கு கொள்வனவில் ஆர்வம் செலுத்தி வருவதை அவதானிக்க முடிந்தது. கொழும்பு பங்குச்சந்தை கொடுக்கல் வாங்கல்களில் கடந்த வாரம் இரு பிரதான சுட்டிகளும் சரிவான பெறுமதிகளை பதிவு செய்திருந்தன. புரள்வு பெறுமதிகளும் கடந்த வாரம் சரிவான பெறுமதிகளை வெளிப்படுத்தியிருந்தன. வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 7,183.50 ஆகவும், S&P ஸ்ரீலங்கா 20 சுட்டி 4097.05 ஆகவும் பதிவாகியிருந்தன. 

மார்ச் 09ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 2,954,714,321 அமைந்திருந்தது. கடந்த வாரம் மொத்தமாக 23,011 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 21,720 ஆகவும் வெளிநாட்டு கொடுக்கல் வாங்கல்கள் 1,291 ஆகவும் பதிவாகியிருந்தன. 

திங்கட்கிழமை
சிலோன் டொபாக்கோ கம்பனி, ஷலிமர் மற்றும் கொமர்ஷல் லீசிங் அன்ட் ஃபினான்ஸ் ஆகியவற்றின் மீது விலைச்சரிவுகள் காரணமாக சுட்டிகள் மறைப்பெறுமதியில் நிறைவடைந்திருந்தன. புரள்வு பெறுமதி 665 மில்லியன் ரூபாவாக பதிவாகியிருந்தது. உயர் தேறிய பெறுமதி வாய்ந்த மற்றும் நிறுவனசார் ஈடுபாடு ஜோன் கீல்ஸ் ஹோல்டிங்ஸ் மீது பதிவாகியிருந்தது. ஆசிரி ஹொஸ்பிட்டல் ஹோல்டிங்ஸ், லங்கா ஐஓசி மற்றும் நேஷன்ஸ் ட்ரஸ்ட் வங்கி ஆகிய பங்குகளின் மீது கலப்பு ஈடுபாடு பதிவாகியிருந்தது. சிறியளவிலான முதலீட்டாளர்களின் ஈடுபாடு ரெக்னிஸ், ஏசியா அஸெட் ஃபினான்ஸ் யூனியன் வங்கி ஆகியவற்றின் மீது சிறியளவிலான முதலீட்டாளர்களின் ஈடுபாடு பதிவாகியிருந்தது. இதேவேளை, வெளிநாட்டவர்கள் தேறிய கொள்வனவாளர்களாக பதிவாகியிருந்தனர்.    

செவ்வாய்க்கிழமை
அபவிசு மறை பெறுமதியில் நிறைவடைந்திருந்ததுடன், S&P SL20 நேர் பெறுமதியில் நிறைவடைந்திருந்தது. புரள்வு பெறுமதி 585 மில்லியன் ரூபாவாக பதிவாகியிருந்தது. நிறுவனசார் முதலீட்டாளர்களின் பங்களிப்பு ஜோன் கீல்ஸ் ஹோல்டிங்ஸ் பங்குகளின் மீது பதிவாகியிருந்தது. டோக்கியோ சீமெந்து வாக்குரிமையற்ற பங்குகள் மற்றும் நேஷன்ஸ் ட்ரஸ்ட் வங்கி பங்குகளின் மீதும் கலப்பு ஈடுபாடு பதிவாகியிருந்தது. சிறியளவிலான முதலீட்டாளர்களின் ஈடுபாடு சணச அபிவிருத்தி வங்கி, ஜோன் கீல்ஸ் ஹோல்டிங்ஸ் வொரன்ட் 22 மற்றும் லங்கா ஐஓசி பங்குகளின் மீது பதிவாகியிருந்தது. வெளிநாட்டவர்கள் அதிகளவு பங்கு கொள்வனவில் ஈடுபட்டிருந்தனர். வெளிநாட்டு கொள்வனவுகள் புரள்வு பெறுமதியில் 49.7% பங்களிப்பை வழங்கியிருந்தன. 

புதன்கிழமை
இரு சுட்டிகளும் மறை பெறுமதியில் நிறைவடைந்திருந்தன. புரள்வு பெறுமதி 946 மில்லியன் ரூபாவாக பதிவாகியிருந்தது. உயர் தேறிய நிறுவனசார் ஈடுபாடு ஜோன் கீல்ஸ் ஹோல்டிங்ஸ், டயலொக் ஆக்சியாடா, கொமர்ஷல் வங்கி, டிஸ்டிலரீஸ் மற்றும் தேசிய அபிவிருத்தி வங்கி ஆகியவற்றில் பதிவாகியிருந்தது. வெளிநாட்டவர்கள் அதிகளவு பங்கு கொள்வனவில் ஈடுபட்டதை அவதானிக்க முடிந்தது.

வியாழக்கிழமை
சுட்டிகள் மறைப்பெறுமதியில் நிறைவடைந்திருந்தன, இதில் சிலோன் டொபாக்கோ கம்பனி, கொமர்ஷல் லீசிங் அன்ட் ஃபினான்ஸ் மற்றும் செவ்ரோன் லுபரிகன்ட்ஸ் ஆகியன பங்களிப்பை வழங்கியிருந்தன. புரள்வு பெறுமுதி 491 மில்லியன் ரூபாவை பதிவு செய்திருந்தது. கலப்பு ஈடுபாடு செலான் வங்கி வாக்குரிமையற்ற பங்குகள், ஜோன் கீல்ஸ் ஹோல்டிங்ஸ் வொரன்ட் 23 மற்றும் ஓவர்சீஸ் ரியல்டி ஆகியவற்றின் மீது பதிவாகியிருந்தது. சிறியளவிலான முதலீட்டாளர்களின் ஈடுபாடு ஈஸ்டர்ன் மேர்ச்சன்ட்ஸ், ரெக்னிஸ் மற்றும் ஜோன் கீல்ஸ் ஹோல்டிங்ஸ் வொரன்ட் 22 இன் மீது பதிவாகியிருந்தன.

வெள்ளிக்கிழமை
அபவிசு மற்றும் ஆகிய இரு சுட்டிகளும் மறைபெறுமதியில் நிறைவடைந்திருந்தன. ஸ்ரீலங்கா ரெலிகொம், புக்கிட் தாரா மற்றும் லங்கா ஒரிக்ஸ் லீசிங் கம்பனி ஆகியன இதில் பங்களிப்பை வழங்கியிருந்தன. இந்த ஆண்டில் பதிவாகிய ஆகக்குறைந்த புரள்வு பெறுமதியான 266 மில்லியன் ரூபாவை கொழும்பு பங்குச்சந்தை பதிவு செய்திருந்தது. உயர் தேறிய பெறுமதி வாய்ந்த நிறுவனசார் ஈடுபாடு செலான் வங்கி வாக்குரிமையற்ற பங்குகள் மற்றும் ஹேமாஸ் ஹோல்டிங்ஸ் பங்குகளின் மீது பதிவாகியிருந்தன. மேலும், சிறியளவிலான முதலீட்டாளர்களின் ஈடுபாடு லங்கா ஐஓசி மற்றும் ஈஸ்டர்ன் மேர்ச்சன்ட்ஸ் ஆகிய பங்குகளின் மீது பதிவாகியிருந்தது. வெளிநாட்டவர்கள் அதிகளவு பங்கு கொள்வனவில் ஈடுபட்டிருந்தனர்.    

கடந்த வார கொடுக்கல் வாங்கல் நடவடிக்கைகளில் ஈஸ்டர்ன் மேர்ச்சன்ட், ப்ளுடயமன்ட் (சாதாரண), ப்ளுடயமன்ட், சிலோ ஃபினான்ஸ் மற்றும் சிலோன் லெதர் (உரிமை) போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

சிட்ரஸ் லெய்ஷர் (உரிமை), சம்சன் இன்டர்நஷனல், செரன்டிப் லான்ட், ஹோட்டல் சீகிரிய மற்றும் ஹபுகஸ்தென்ன போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

தங்கம் விலை நிலைவரம்
கடந்த வாரம் 24 கெரட் தங்கத்தின் சராசரி விலை 44,100 ரூபாவாகவும், 22 கெரட் தங்கத்தின் விலை 42,000 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. முன்னைய வாரம் தங்கத்தின் விலை உயர்வடைந்திருந்த நிலையில், மீண்டும் கடந்த வாரம் தங்கத்தின் விலை வீழ்ச்சியடைந்திருந்தமை குறிப்பி்டத்தக்கது.

நாணய மாற்று விகிதம்
கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 134.67 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 201.05 ஆக காணப்பட்டிருந்தது.