தேசிய உற்பத்தி அதிகரிப்பு

நாட்டின் மொத்த தேசிய உற்பத்தி நடப்பு ஆண்டின் இரண்டாம் காலாண்டில் முன்னைய ஆண்டுடன் ஒப்பிடுகையில் 2.6 அதிகரிப்பை பதிவு செய்துள்ளதாக இலங்கை தொகை மதிப்பு, புள்ளி விவரவியல் திணைக்களம் அறிவித்துள்ளது.   

இதற்கமைய நாட்டின் மொத்த தேசிய உற்பத்தி 2,130,240 ஆக பதிவாகியிருந்ததுடன், இந்தப் பெறுமதி கடந்த ஆண்டின் இதே காலப்பகுதியில் 2,075,805 ஆக பதிவாகியிருந்தது.   

விவசாயம், தொழிற்துறை, சேவைகள் மற்றும் வரிகள் இல்லாத உற்பத்திப்பொருட்கள் போன்றன நாட்டின் மொத்த தேசிய உற்பத்தி அதிகரிப்பில் பங்களிப்பு வழங்கியிருந்தன. இவை முறையே 7.7, 26.6, 55.8 மற்றும் 9.8 சதவீத அதிகரிப்பைப் பதிவு செய்திருந்தன.  

இரண்டாம் காலாண்டு பகுதியில் தொலைத்தொடர்பாடல் சேவைகள் என்பது 21.2 சதவீத அதிகரிப்பை பதிவு செய்திருந்ததுடன், நிதிச்சேவைகள் 14.5 சதவீத அதிகரிப்பை பதிவு செய்திருந்தன. காப்புறுதிச்சேவைகள் 15.1 சதவீதம், கல்விச்சேவைகள் 10.5 சதவீதம் மற்றும் மொத்த மற்றும் சில்லறை வியாபாரம் என்பது 3.5 சதவீத அதிகரிப்பை பதிவு செய்திருந்தன.   

பெறுமதி சேர்க்கப்பட்ட செய்கைகளான அரிசி, தேயிலை மற்றும் இறப்பர் ஆகியன 17.9 சதவீதம், 12.2 சதவீதம் மற்றும் 8.2 சதவீதம் சரிவை பதிவு செய்திருந்தன.