கடலட்டை பிடித்தவர்கள் விடுதலை

-செல்வநாயகம் கபிலன்

நாச்சிக்குடா கடற்பிரதேசத்தில் சட்டவிரோதமான முறையில் கடலட்டை பிடியில் ஈடுபட்ட 7 மீனவர்களும் எச்சரிக்கை செய்யப்பட்டு விடுவிக்கப்பட்டுள்ளதாக கிளிநொச்சி மாவட்ட கடற்றொழில் நீரியல் வளத்துறை அதிகாரியொருவர் தெரிவித்தார்.

நாச்சிக்குடா கடலில் அனுமதிப்பத்திரமின்றி கடந்த 14ஆம் திகதி கடலட்டை பிடித்த 7 பேரை கடற்படையினர் கைது செய்திருந்தனர். அவர்களிடமிருந்து 80 கிராம் நிறையுடைய கடலட்டையொன்று கைப்பற்றப்பட்டது.

கைது செய்யப்பட்டவர்கள் கிளிநொச்சி மாவட்ட கடற்றொழில் நீரியல் வளத்துறை அதிகாரிகளிடம் ஒப்படைக்கப்பட்டனர்.

7 பேரும் கிளிநொச்சி நீதிவான் நீதிமன்றில் ஆஜர்ப்படுத்தப்பட்டபோது, நீதிவான் ஜெ.பிரபாகரன், மீனவர்களை கடுமையாக எச்சரிக்கை செய்து விடுவித்தார்.