உடையார்கட்டுக்கு புதிய கமநலசேவை நிலையம்

Menaka Mookandi / 2014 ஓகஸ்ட் 19 , மு.ப. 07:28 - 0 - {{hitsCtrl.values.hits}}

-சுப்பிரமணியம் பாஸ்கரன்

முல்லைத்தீவு, உடையார்கட்டு கமநலசேவை நிலையத்திற்கு பொருளாதார அபிவிருத்தி அமைச்சின் 11.7 மில்லியன் ரூபாய் செலவில் புதிய கட்டிடத் தொகுதியொன்று நிர்மாணிக்கப்பட்டு வருவதாக முல்லைத்தீவு மாவட்ட கமநல அபிவிருத்தி திணைக்களம் செவ்வாய்க்கிழமை (19) தெரிவித்தது.

யுத்தத்தால் உடையார்கட்டு கமநலசேவை நிலையக் கட்டிடத் தொகுதி சேதமடைந்திருந்தது. இந்நிலையில், மேற்படி நிதி மூலம் கடந்த ஜுலை மாதம் முதல் கட்டிடம் அமைக்கப்பட்டு வருகின்றது.

அதேவேளை, புதுக்குடியிருப்பு கமநல சேவை நிலையத்தின் உரக்களஞ்சிய கட்டிடமும் பொருளாதார அபிவிருத்தி அமைச்சின் 3.5 மில்லியன் ரூபாய் நிதி ஒதுக்கீட்டில் ஜூலை மாதம் முதல் நிர்மாணிக்கப்பட்டு வருகின்றது.

மேலும், கொக்கிளாய் கமநல சேவை நிலையத்திற்கு புதிய கட்டிடத் தொகுதி அமைப்பதற்கு 9 மில்லியன் ரூபாய் தேவையென மதிப்பிடப்பட்டுள்ளதாகவும் இது தொடர்பில் பொருளாதார அபிவிருத்தி அமைச்சுக்கு அறிக்கை அனுப்பி வைக்கப்பட்டுள்ளதாகவும் நிதி கிடைத்தவுடன் கட்டிடப் பணிகள் ஆரம்பமாகும் என திணைக்களம் மேலும் தெரிவித்தது.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .