அம்பலப் பெருமாள் குளத்துக்கான மின்னிணைப்பு செய்யப்படுகின்றது

-நடராசா கிருஸ்ணகுமார்

முல்லைத்தீவு, துணுக்காய் அம்பலப்பெருமாள் குளத்துக்கான மின்னிணைப்பு வேலைகள் இடம்பெற்று வருவதாக துணுக்காய் பிரதேச செயலாளர் சிவபாலன் குணபாலன் வியாழக்கிழமை (05) தெரிவித்தார்.

இது தொடர்பாக அவர் மேலும் கூறுகையில்,

துணுக்காயிலிருந்து தென்னியங்குள சந்தி வரையான மின்னிணைப்பு பூர்த்தியாகிவிட்டது. தற்போது கோட்டைக்கட்டியகுளம், அம்பலப்பெருமாள் ஆகிய கிராமங்களுக்கான மின்னிணைப்பு வேலைகள் இடம்பெற்று வருகின்றன.

இதேவேளை, துணுக்காயிலிருந்து அக்கராயன் செல்லும் வீதியும் துணுக்காயிலிருந்து ஐயன்கன்குளம் வரையான வீதியையும் புனரமைத்துத் தருமாறு வடமாகாண முதலமைச்சர் சி.வி.விக்னேஸ்வரனிடம் கோரிக்கை விடுக்கப்பட்டுள்ளது என்றார்.