அக்கராயன் குளத்தை முழுமையாக புனரமைக்க ரூ.1,000 மில்லியன் தேவை

-நடராசா கிருஸ்ணகுமார்

கிளிநொச்சி, அக்கராயன் குளத்தை முழுமையாக புனரமைப்பதற்கு 1,000 மில்லியன் ரூபாய் நிதி தேவையென மதிப்பீடு செய்யப்பட்டுள்ளதாக கிளிநொச்சி மாவட்ட பிரதி நீர்ப்பாசனப் பணிப்பாளர் நவரத்தினம் சுதாகரன், வியாழக்கிழமை (12) தெரிவித்தார்.

கிளிநொச்சி மாவட்டத்தின் பாரிய நீர்ப்பாசன குளமாகிய இரணைமடு குளத்துக்கு அடுத்த பெரிய குளமாக அக்கராயன் குளம் இருக்கின்றது. இதன் கீழ் 4,000 ஏக்கர் நிலப்பரப்பில் பயிர்ச்செய்கை மேற்கொள்ள முடியும். குளத்தின் வாய்க்கால்கள், ஆறு என்பன புனரமைக்கப்பட வேண்டிய நிலையில் இருக்கின்றது.

இது தொடர்பில் கிளிநொச்சி மாவட்ட பிரதி நீர்ப்பாசனப் பணிப்பாளரிடம் தொடர்புகொண்டு கேட்டபொழுது, ஜப்பான் அரசின் 350 மில்லியன் ரூபாய் நிதியுதவியில் குளத்தின் அணைக்கட்டு மற்றும் வான்பகுதிகள் என்பன கடந்த 2010ஆம் ஆண்டு புனரமைக்கப்பட்டன.

குளத்தை முழுமையாக புனரமைப்பதற்கு இன்னும் ஆயிரம் மில்லியன் ரூபாய் தேவை. நிதிக்கான கோரிக்களை விடுத்துள்ளோம். நிதி கிடைக்கின்றபோது குளத்தை முழுமையாக புனரமைக்க முடியும் என்றார்.