அடிப்படை வசதிகளை ஏற்படுத்தி தருமாறு கோரி மகஜர் கையளிப்பு

நவரத்தினம் கபில்நாத்

வீதி உட்பட அடிப்படை வசதிகளை செய்வதற்கான நடவடிக்கைகளை மேற்கொள்ள வேண்டுமென வலியுறுத்தி வவுனியா மறவன்குளம் மக்கள், பிரதேச சபையின் தலைவர் க.சிவலிங்கத்திடம் மகஜரொன்றை நேற்று வியாழக்கிழமை(19) கையளித்தனர்.

மறவன்குளம் கிராமத்தில் பிரதான வீதி மற்றும் குடிநீர் பிரச்சனைகள் உட்பட பல்வேறு செயற்பாடுகளை வவுனியா தமிழ் தெற்கு பிரதேசசபை செய்து தரவில்லை என தெரிவித்து வவுனியா நெளுக்குளத்தில் உள்ள பிரதேச சபைக்கு முன்பாக கூடியிருந்தனர்.

இந்நிலையில் பிரதேசசபையின் தலைவருக்கு எதிராக ஆர்ப்பாட்டத்தில் ஈடுபட அக்கிராம மக்கள் தயாரான போது பிரதேசசபையின் தலைவர் க.சிவலிங்கம் மக்களை அழைத்து கலந்துரையாடலில் ஈடுபட்டார்.

இதன்போது கிராமத்தின் சார்பில் அவர்களது கோரிக்கைகள் அடங்கிய மகஜரொன்றை கையளித்தனர்.

கிராமத்தில் நிலவும் அடிப்படை பிரச்சினைகளை தீர்ப்பதற்கு நடவடிக்கை மேற்கௌ;வதாக பிரதேச சபை தலைவர் உறுதியளித்ததை தொடர்;ந்து பிரதேச மக்கள் கலைந்து சென்றனர்.