விபத்தில் குழந்தை பலி: மூவர் காயம்

-நவரத்தினம் கபில்நாத்

வவுனியா பனிக்கங்குளத்தில் முச்சக்கரவண்டியொன்றை பிக்கப் ரக வாகனம் மோதியதில், குழந்தை பலியானதுடன் தாய், தந்தை மற்றும் சகோதரி ஆகியோர் காயமடைந்த நிலையில் வவுனியா பொது வைத்தியசாலையில் அனுமதிக்கப்பட்டுள்ளன என ஓமந்தை பொலிஸார் தெரிவித்தனர்.

இந்த சம்பவம் இன்று ஞாயிற்றுக்கிழமை (05) மாலை இடம்பெற்றுள்ளது.

வவுனியாவில் இருந்து புளியங்குளம் பகுதி நோக்கி சென்றுகொண்டிருந்த முச்சக்கரவண்டியை, யாழ்ப்பாணத்தில் இருந்து அனுராதபுரம் நோக்கி சென்றுகொண்டிருந்த பிக்கப் ரக வாகனம் மோதியுள்ளது.

வீதியின் குறுக்காக மாடொன்று சென்றநேரம் பிக்கப் ரக வாகனம் கட்டுப்பாட்டை இழந்து மாட்டில் மோதி, பின்னர் முச்சக்கர வண்டியில் மோதி விபத்துக்குள்ளானது.

பிக்கப்ரக வாகன சாரதியை ஓமந்தை பொலிஸார் கைது செய்துள்ளதுடன் சம்பவம் தொடர்பில் விசாரணைகளை மேற்கொண்டு வருகின்றனர்.