நிரந்தர நியமனம் கோரி புகையிரத கடவை காப்பாளர்கள் ஆர்ப்பாட்டம்

-நவரத்தினம் கபில்நாத்

கடந்த 20 மாதங்களாக கடமையாற்றும் தமக்கு நிரந்தர நியமனம் வழங்குமாறு கோரி புகையிரதக் கடவை காப்பாளர்கள், வியாழக்கிழமை (09) ஆர்ப்பாட்டத்தில் ஈடுபட்டனர்.

கடந்த 20 மாதங்களாக மதவாச்சியிலிருந்து மன்னார் புகையிரத பாதையிலும் வவுனியாவிலிருந்து புளியங்குளம் வரையிலுமான புகையிரத பாதையில் கடவை காப்பாளர்களாக பணிபுரியும் இவர்கள்;, நிரந்தரமற்ற வேலையில் தாம் ஈடுபடுத்தப்பட்டுள்ளதாகவும் தமக்கு 7,500 ரூபாவே சம்பளம் வழங்கப்படுவதாகவும் தெரிவித்தனர்.

வவுனியா புகையிர நிலையத்துக்கு முன்பாக இன்று காலை 10 மணிக்கு கூடிய புகையிரத கடவை காப்பாளர்கள், தமது சம்பளத்தை அதிகரிக்குமாறும் நிரந்தர நியமனம் வழங்க வேண்டுமெனவும் 7,500 சம்பளம் பெற நாங்கள் என்ன அடிமைகளா? என்ற வாசகங்கள் எழுதப்பட்ட பதாதைகளை தாங்கி ஆர்ப்பாட்டத்தில் ஈடுபட்டனர்.

இவர்களுக்கு ஆதரவாக இகில இலங்கை பொது ஊழியர் சங்கமும் ஆர்ப்பாட்டத்தில் ஈடுபட்டிருந்தது.