காஸ் கசிவு: வீடு தீக்கிரை

-ஏ.எச்.ஏ. ஹுஸைன்

மட்டக்களப்பு மாவட்டம் காத்தான்குடி-03, பழைய விதானையார் வீதியிலுள்ள வீடொன்றில் சனிக்கிழமை அதிகாலை சமையல் எரிவாயுக் கசிவின் காரணமாக ஏற்பட்ட தீயினால் வீடு முற்றாக சேதமடைந்துள்ளதாக காத்தான்குடிப் பொலிஸார் தெரிவித்தனர்.

வெள்ளிக்கிழமை நள்ளிரவுக்குச் சற்றுப் பிந்தி 12.30 மணியளவில் வீட்டிலிருந்த சமையல் எரிவாயு சிலின்டர் ஒன்றிலிருந்து எரிவாயு கசிந்ததைத் தொடர்ந்து இந்தத் தீ விபத்து ஏற்பட்டுள்ளது.

இதனால் வீட்டின் உட்கூரையும், ஓடுகளும் வீட்டிலிருந்த பொருட்களும் எரிந்து நாசமாகியுள்ளன.

எவ்வாறாயினும் தீ ஏற்பட்டபொழுது வீட்டிலுள்ளவர்கள் வெளியில் ஓடித் தப்பியதனால் எவருக்கும் காயம் ஏற்படவில்லை என வீட்டுரிமையாளர் கூறினார்.

இந்த  சம்பவம் தொடர்பில் காத்தான்குடி பொலிஸார் விசாரணைகளை மேற்கொண்டு வருகின்றனர்.