400 வீடுகள் சுற்றிவளைப்பு

-மு.தமிழ்ச்செல்வன் 

கிளிநொச்சி - கண்டாவளை பிரதேசத்தில், சுமார்  400 வீடுகள் வரை சுற்றிவளைக்கப்பட்டு, தேடுதல் நடவடிக்கை முன்னெடுக்கப்பட்டது.

சட்டவிரோதச் செயற்பாடுகளில் ஈடுபடுபவர்களைக் கைதுசெய்யும் முகமாகவே, நேற்று (04) அதிகாலை 4 மணி முதல் முற்பகல் 8 மணி வரை, இந்தத் தேடுதல் நடவடிக்கை முன்னெடுக்கப்பட்டது.

இதன்  போது சந்தேகநபர் ஒருவர் கைதுசெய்யப்பட்டதுடன், அவரிடம் இருந்து மோட்டார் சைக்கிள் ஒன்றும் கைப்பற்றப்பட்டுள்ளது.

280க்கும் மேற்பட்ட பொலிஸாரும் இராணுவத்தினரும், இந்தத் தேடுதல் நடவடிக்கையில் ஈடுபட்டிருந்தமை குறிப்பிடத்தக்கது.