அறநெறி பாடசாலை திறந்து வைப்பு

-க. அகரன்

வவுனியா - தரணிக்குளம் பால விநாயகர் ஆலய அறநெறி பாடசாலை இன்று அமைச்சர் சஜித் பிரேமதாஸவால் திறந்து வைக்கப்பட்டது.

தரணிக்குளம் மக்களின் நீண்ட கால தேவையாக அறநெறி பாடசாலை காணப்பட்டு வந்தது. இதனை கருத்திற்கொண்டு வீடமைப்பு, கலாசார  அமைச்சின் 04 மில்லியன் நிதி ஒதுக்கீட்டின் கீழ், பால விநாயகர் கோவில் அறநெறி பாடசாலை, இன்று காலை அமைச்சர் சஜித் பிரேமதாஸவால் திறந்து வைக்கப்பட்டது.

தரணிக்குளம் கிராம அபிவிருத்தி சங்கத் தலைவர் இ.ராகுலன் தலைமையில் நடைபெற்ற இந்நிகழ்வில், வவுனியா மாவட்டச் செயலாளர் ஐ.எம்.ஹனீபா, பிரதேச செயலாளர் கா.உதயராஜா உள்ளிட்ட பலரும் கலந்துகொண்டனர்.