ஐ.தே.கவின் மன்னார் கிளைக்கு புதிய உறுப்பினர்கள் தெரிவு

எஸ்.றொசேரியன் லெம்பேட்

ஐக்கிய தேசியக் கட்சியின் மன்னார் மாவட்டக் கிளைக்கு, புதிய நிர்வாகிகளை, கட்சியின் தலைமையகம் தெரிவு செய்துள்ளது.

சிறைச்சாலைகள் மறுசீரமைப்பு, புனர்வாழ்வளிப்பு மீள்குடியேற்ற அமைச்சர் டி.எம். சுவாமிநாதனின் வழிக்காட்டுதலிலும் அவரின் இணைப்புச் செயலாளர் பிறேம்லஸ் கொஸ்ராவின் நெறிப்படுத்துதலிலும், குறித்த புதிய நிர்வாகிகள் ஐக்கிய தேசியக் கட்சியின் தலைமையகத்தினால்  தெரிவு செய்யப்பட்டுள்ளதாக, தகவல்கள் தெரிவிக்கின்றன.

இதற்கமைவாக,  ஐ.தே.கவின் மன்னார் மாவட்ட முகாமையாளராக ஏ.சமீயூ முகம்மது பஸ்மி, மாவட்ட நீதி விவகாரச்செயலாளராக சட்டத்தரணி எம்.ஏ.முகம்மது முபாறக், மாவட்ட அத்தியாவசிய சேவைகளின் செயலாளராக ஏ.பி.முகம்மது ஹஸ்மின், மாவட்ட இளைஞர் விவகார செயலாளராக கிரேசியன் பெர்ணான்டஸ் கூஞ்ச, மாவட்டக்கிளை அமைப்புக்களின் இணைப்புச் செயலாளராக தேவசகாயம் தவசீலன் ஆகியோர் தெரிவுசெய்யப்பட்டுள்ளனர்.

மேலும், மாவட்ட மகளிர் விவகாரச் செயலாளராக பாத்திமா பஸ்னாஸ் மற்றும் அரசசார்பற்ற நிறுவனங்களின் இணைப்புச் செயலாளராக கிப்பொலிற் கத்தறின் வயலட் குரூஸ், மாவட்ட பிரசாரச் செயலாளராக ரகுநாதன் வதனா, மாவட்ட தொழிற்சங்க செயலாளராக விக்டர் ஜெபநேசன் பிரதீபன், மாவட்ட ஊடகச் செயலாளராக தேவசகாயம் ரஞ்சித் குமார் சோசை ஆகியோர் தெரிவுசெய்யப்பட்டுள்ளனர்.

அத்துடன், வாக்காளர் விவகாரங்கள் மற்றும் தேர்தல்கள் தொடர்பான மாவட்ட இணைப்பாளராக எம்.எம்.முஹம்மட் ஜெசின், கத்தோலிக்க விவகாரங்களின் மாவட்டச் செயலாளராக சனிக்கிலாஸ் மீயேஸ், முஸ்லிம் விவகாரங்களுக்குரிய மாவட்டச் செயலாளராக அப்துல் காசீம் றஹ்மத்துல்லா, இந்து மத விவகாரங்களுக்குரிய மாவட்டச் செயலாளராக குப்புச்சாமி ஆறுமுகம் ஆகியோரும் தெரிவாகியுள்ளனர்.

இவர்களுக்கான நியமனக்கடிதங்களை, ஐ.தே.கவின் தலைவரும் பிரதமருமான ரணில் விக்கிரமசிங்க, விரைவில் வழங்கவுள்ளதாக தெரிவிக்கப்படுகின்றது.