காணி அனுமதிப்பத்திரம் வழங்கி வைப்பு

-க.அகரன்

வவுனியா பிரதேச செயலகப் பிரிவுக்குட்பட்ட கற்பகபுரம் கிராமத்தில் மீள்குடியேறிய மக்களுக்கு காணி உறுதிப்பத்திரங்கள், புதன்கிழமை வழங்கி வைக்கப்பட்டது.

கற்பகபுரத்தில் இடம்பெற்ற நிகழ்வில் வைத்து, மீள்குடியேற்ற அமைச்சர் டி.எம். சுவாமிநாதன், அதனை வழங்கி வைத்தார்.

கற்பகபுரம் கிராமத்தில் குடியிருந்த மக்கள், யுத்தம் காரணமாக இந்திய மற்றும் அயல் பிரதேசங்களை நோக்கி இடம்பெயர்ந்திருந்த நிலையில், கடந்த 2010 ஆம் ஆண்டு முதல் மீள்குடியேறியிருந்தனர்.

அவர்களது காணிகளுக்கான உறுதிப்பத்திரங்கள் வழங்கப்படாத நிலையிலேயே அவர்கள் தமது காணிகளில் குடியேறியிருந்ததுடன், காணியற்ற மக்களுக்கும் அப்பகுதியில் காணிகள் வழங்கப்பட்டிருந்தன.

தமக்கான காணி உறுதிப்பத்திரங்களை வழங்குமாறு தொடர்ச்சியாக கோரி வந்த நிலையில் இந்த காணி உறுதிப்பத்திரங்கள் வழங்கி வைக்கப்பட்டுள்ளன.