கேப்பாப்புலவு மக்களை சந்தித்தார் வேலு குமார் எம்.பி

-சண்முகம் தவசீலன்

கேப்பாப்புலவு, புலவுக்குடியிருப்பு காணிகள் தொடர்பான பிரச்சினை, எதிர்வரும் 4 ஆம் திகதிக்குள் தீர்க்கப்படும் என, ஜனாதிபதி உறுதிவழங்கியதாக தமிழ்த் தேசியக் கூட்டமைப்பு தெரிவித்த நிலையில், அந்த பகுதி மக்களின் போராட்டம் இன்று  29 ஆவது நாளாகவும் முன்னெடுக்கப்பட்டது.

இந்த நிலையில், தமிழ் முற்போக்கு கூட்டணியின் கண்டி மாவட்ட நாடாளுமன்ற உறுப்பினர் வேலு குமார், போராட்டத்தில் ஈடுபடும்  மக்களை சந்தித்து, நேற்று காலை கலந்துரையாடினார்

புலவுக்குடியிருப்பில், விமானப் படையினர் வசமிருந்த பொதுமக்களின் காணிகள் விடுவிக்கப்பட்டதாக தெரிவிக்கப்பட்ட பின்னணியில், இந்த நிலமீட்பு போராட்டம் கடந்த 31 ஆம் திகதி ஆரம்பிக்கப்பட்டிருந்தது.