காளான் உற்பத்தி நிலையம் திறந்துவைப்பு

-சண்முகம் தவசீலன்

வவுனியா தெற்கு பிரதேச செயலகத்துக்கு உட்பட்ட, அவுசதப்பிட்டிய கிராமத்தில் வடக்கு கிராம அபிவிருத்தித் திணைக்களத்தால்  2.5 இலட்சம் ரூபாய் நிதி ஒதுக்கீட்டில் அமைக்கப்பட்டுள்ள காளான் உற்பத்தி நிலையத்தை உத்தியோகபூர்வமாக திறந்துவைத்த வட மாகாண கிராம அபிவிருத்தி அமைச்சர் பா.டெனிஸ்வரன், பயனாளிகளைச் சந்தித்து கலந்துரையாடினார். 

இக்காளான் உற்பத்தித் திட்டத்தினால் 05 குடும்பங்கள் பயனடைவதுடன்  வவுனியா அக்போபுர கிராமத்திலும் இவ்வாறான ஓர் வேலைத் திட்டம் முன்னெடுக்கப்பட்டுள்ளதுடன் அதிலும் 05 குடும்பங்கள் பயனடையவுள்ளதாக கிராம அபிவிருத்தி உத்தியோகத்தர் தெரிவித்தார்.

அமைச்சரின் வவுனியா மாவட்ட இணைப்பாளர் எஸ்.மயூரன், அமைச்சின் செயலாளர் எஸ்.சத்தியசீலன், கிராம அபிவிருத்தி திணைக்களத்தின் மாகாணப் பணிப்பாளர் ஜே.ஜே.சி.பெலிசியன், வீதி அபிவிருத்தித் திணைக்கள மன்னார் வவுனியா மாவட்ட பிரதம பொறியியலாளர் ரகுநாதன், வவுனியா தெற்கு பிரதேச செயலாளர் எம்.எஸ்.ஜானக்க, கிராம அபிவிருத்தி உத்தியோகத்தர் என்.ரஜீப்  மற்றும் பயனாளிகள் ஆகியோர்  இந்நிகழ்வில் கலந்துகொண்டனர்.