செயற்கை கை தேவையானோர் பதிவுகளை மேற்கொள்ளலாம்

சர்வதேச றோட்டறி கழகத்தின் கிளிநொச்சி மாவட்ட அலுவலகத்தின் ஏற்பாட்டில் முழங்கைக்கு கீழ் கையை இழந்தவர்களுக்கு செயற்கை கைகளை வழங்க உள்ளதாக றோட்டறி கழகத்தினர் தெரிவித்துள்ளனர்.

அவுஸ்ரேலியா றோட்டறி கழகத்தின் அனுசரணையில் இந்த செயற்கை கைகள் வழங்கவுள்ளதாக

கிளிநொச்சி மாவட்ட அரசாங்க அதிபர் ஊடாக கை தேவைப்படுபவர்களின் விவரங்களைப் பெற்று செயற்கை கை வழங்கப்பட உள்ளது.

செயற்கை கை தேவைப்படுவோர் தமது பெயர், முகவரி, கிராம சேவகர் பிரிவு, அலைபேசி இலக்கம், பிறந்த திகதி, செயற்கை கை வலது புறமா, இடது புறமா தேவை போன்ற விவரங்களை பிரதேச செயலக சமூக சேவைகள் அலுவலரிடம் உடனடியாக பதிவு செய்யுமாறு அறிவிக்கப்பட்டுள்ளது.

மேலதிக விவரங்களுக்கு கிளிநொச்சி மாவட்ட சமூக சேவைகள் அலுவலகத்தின் 021 321 5529 எனும் தொலைபேசி இலக்கத்துடன்; அலுவலக நேரத்தில் தொடர்பு கொள்ள முடியும் எனவும் தெரிவிக்கப்பட்டுள்ளது.