துணுக்காய் கிராமங்களில் சட்டவிரோதமாக மரங்கள் வெட்டப்படுகின்றன

-நடராசா கிருஸ்ணகுமார்

முல்லைத்தீவு, துணுக்காயின் ஐயன்கன்குளம், பழையமுறிகண்டி, புத்துவெட்டுவான ஆகிய கிராமங்களில் சட்டவிரோதமாக மரங்கள் வெட்டி எடுத்துச்செல்லப்படுவதாக கிராம மக்கள் தெரிவிக்கின்றனர்.

சட்டவிரோதமாக மரங்கள் வெட்டப்படுவது தொடர்பாக துணுக்காய் பிரதேச செயலாளர், முல்லைத்தீவு மாவட்டச் செயலாளர் ஆகியோரிடம் இக்கிராமங்களின் அபிவிருத்திச் சங்கத்தினர் முறைப்பாடுகள் தெரிவித்துள்ள போதிலும் இச்செயற்பாடுகள் தொடர்ந்து நடைபெறுகின்றது.

ஐயன்கன்குளத்தில் உள்ள பொலிஸாரின் உதவியுடனேயே மரங்கள் களவாக வெட்டியெடுத்துச் செல்லப்படுவதாகவும் பொதுமக்களினால் தெரிவிக்கப்படுகின்றது. இதனைக் கட்டுப்படுத்த துணுக்காய் பிரதேச செயலாளர், மாவட்டச் செயலாளர் நடவடிக்கை எடுக்க வேண்டுமெனவும் மக்களினால் தெரிவிக்கப்பட்டுள்ளது.