தொழிலாளர் தினத்தை முல்லை. மீனவர்கள் புறக்கணிப்பு

தமது மாவட்டத்தில் மீன்பிடி உள்ளிட்ட பல்வேறு பிரச்சினைகள் தீர்க்கப்படாதுள்ளதாகத் தெரிவித்து முல்லைத்தீவு மாவட்ட மீனவர்கள், தொழிலாளர் தினத்தை நேற்றைய தினத்தில் (01) புறக்கணித்துள்ளனர்.

தொழிலாளர் தினமாகிய நேற்று, இலங்கையில் உள்ள அனைத்து மாவட்டங்களிலும் அரசியல் கட்சிகள் மற்றும் பொது அமைப்புக்களினால் பல்வேறு நிகழ்வுகள் முன்னெடுக்கப்பட்டன.

இந்நிலையில், தமது மீன்பிடி தொழிலில் ஏற்படும் பிரச்சினைகள் தொடர்பாக அனைத்துத் தரப்பினருக்கும் தெரியப்படுத்தியும் இன்றுவரை தமது பிரச்சினைகள் தீர்க்கப்படவில்லை என  முல்லைத்தீவு மாவட்ட மீனவர்கள் தெரிவிக்கின்றனர்.