துப்பாக்கி ரவைகள் மீட்பு

வவுனியா உலுக்குளம் பகுதியில் துப்பாக்கி ரவைகள்; மற்றும் கைக்குண்டுகள் இன்று (12) மீட்கப்பட்டுள்ளன.

இன்று (12) காலை உலுக்குளம் பகுதிக்கு அண்மையில் சந்தேகத்துக்கிடமான பொருட்கள் இருப்பதை அவதானித்த மீனவர்கள் உலுக்குளம் பொலிஸாருக்கு தகவல் தெரிவித்திருந்தனர்.

சம்பவ இடத்துக்கு விரைந்த பொலிஸார் துப்பாக்கி ரவைகள் மற்றும் 2 கைக்குண்டுகளை அவதானித்ததுடன், விசேட அதிரடி படையினருக்கும் தகவல் தெரிவித்தனர்.

நீதிமன்ற அனுமதியின் பின்னர் குறித்தவற்றை அப்பகுதியில் இருந்து அகற்றவுள்ளதாக பொலிஸார்;  தெரிவித்தனர்.