நீதிமன்ற உத்தரவுக்கு அமைய வேள்வி இடைநிறுத்தம்

-செல்வநாயகம் கபிலன்

பிரான்பற்று புளியடி அம்மன் ஆலயத்தில்; சனிக்கிழமை (07) இடம்பெறவிருந்த வேள்வி இடைநிறுத்தப்பட்டுள்ளதாக இளவாலை பொலிஸார் தெரிவித்தனர்.

மிருகங்களை பலியிட்டு வேள்வி நடத்துவதற்கு யாழ்ப்பாணம் மேல் நீதிமன்றம் இடைக்கால தடையுத்தரவு பிறப்பித்ததையடுத்தே வேள்வி இடைநிறுத்தப்பட்டுள்ளதாக பொலிஸாhர் மேலும்; தெரிவித்தனர்.

வருடா வருடம் இடம்பெறும் இவ்வேள்வியின் போது ஆயிரக்கணக்கான ஆடுகள் பலியிடப்படுவது குறிப்பிடத்தக்கது.

இந்நிலையில், சனிக்கிழமை (07) காலை ஆயிரக்காணக்கான ஆடுகள் வேள்விக்காக கொண்டு வரப்பட்டபோதும், அனுமதி மறுக்கப்பட்டமையால் கொண்டு வந்த ஆடுகளுக்கு மஞ்சள் நீர் தெளித்து, மீண்டும் வீட்டுக்கு எடுத்து செல்லப்பட்டன.