புனரமைக்கப்படாத உள்ளக வீதிகளை வட மாகாண சுகாதார அமைச்சர்; பார்வையிட்டார்

வவுனியா மாவட்டத்தில் நீண்ட காலமாக குண்டும் குழியுமாகவுள்ள கணேசபுரம், மணிப்புரம், சமயபுரம் கிராமங்களின் உள்ளக வீதிகளின் நிலைமையை வடக்கு மாகாண சுகாதார அமைச்சர்  ப.சத்தியலிங்கம், நேரில் சென்று அண்மையில் பாரவையிட்டார்.

அத்துடன், அங்குள்ள பொது அமைப்புகளின் பிரதிநிதிகளை சந்தித்து கலந்துரையாடினார்.

குறித்த வீதிகளில் பயணிக்கும் பொதுமக்கள் எதிர்நோக்கும் சிரமங்கள் பற்றி அமைச்சரின் கவனத்துக்கு கொண்டுவரப்பட்டது.

அதனையடுத்து, உள்ளுராட்சி மன்றங்களின் வீதிகளை புனரமைப்பதற்கான விசேட நிதி, மாகாண சபையினால் ஒதுக்கீடு செய்யப்பட்டுள்ளதாகவும் முன்னுரிமை அடிப்படையில் இந்த வீதிகளை திருத்துவதற்கு நடவடிக்கை எடுப்பதாக அமைச்சர் உறுதியளித்தார்.