புடைவைக் கடை தீக்கிரை

க.அகரன்

வவுனியா பசார் வீதியில் அமைந்துள்ள பிரபல புடைவைக் கடை ஒன்றில் இன்று(01) காலை 8.30 மணியளவில் பரவிய தீ சுமார் மூன்று மணிநேர போராட்டத்தின் பின்னர் கட்டுப்பாட்டுக்குள் கொண்டுவரப்பட்டுள்ளது.

கடையின் இரண்டாம் தளத்திலேயே தீப்பற்றி எரிந்துள்ளதுடன் வவுனியா நகர சபையினர் மற்றும் பொலிசார் இணைந்து சுமார் மூன்று மணிநேர போராட்டத்தின் பின் தீயை கட்டுப்பாட்டுக்குள் கொண்டு வந்துள்ளனர்.

தீ விபத்துக்கான காரணம் கண்டறியப்படாத நிலையில் மேலதிக விசாரணைகளை பொலிஸார் முன்னெடுத்துள்ளனர்.