முதிரை மரத்துடன் ஒருவர் கைது

-எஸ்.என்.நிபோஜன்

கிளிநொச்சி - அக்கராயன் 4ஆம் கட்டை பகுதியில் கிட்டத்தட்ட  ஐந்து  இலட்சம் பெறுமதியான முதிரை மரக்குற்றிகளை ஏற்றிச்சென்ற பாரஊர்தி ஒன்றுடன், வன பரிபாலன திணைக்களத்தினால் ஒருவர் கைது செய்யப்பட்டுள்ளார்.

இன்று வெள்ளிக்கிழமை காலை அதிகாலை 5.30 மணியளவில் பரிபாலன திணைக்கள வட்டார அதிகாரி என்.செல்வநாயகம் தலைமையில் மேற்கொள்ளப்பட்ட சுற்றிவளைப்பு நடவடிக்கையின் போதே மரக்குற்றிகளை ஏற்றிச்சென்ற பார ஊர்தியும் சந்தேகநபரான சாரதியும் கைது செய்யப்பட்டுள்ளதாக தெரிவிக்கப்படுகின்றது.

குறித்த வாகனத்தில் தேங்காய்கள் ஏற்றி செல்வது போன்று   ஐந்து  இலட்சம்பெறுமதியான முதிரை மரங்கள் ஏற்றி செல்லப்பட்டதாக வன பரிபாலன திணைக்கள அதிகாரிகள் தெரிவித்தனர்.

அத்தோடு, குறித்த நபரை இன்றைய தினம் கிளிநொச்சி நீதவான் நீதிமன்றத்தில் முன்னிலைப்படுத்த நடவடிக்கை எடுத்துள்ளதாகவும் தெரிவிக்கின்றனர்.