முறையிட்டும் பயனில்லை

-நடராசா கிருஸ்ணகுமார்

“மன்னார், மாந்தை மேற்கின் தேவன்பிட்டி, மூன்றாம்பிட்டி கடற்றொழிலாளர்கள், இந்திய றோலர்களின் அத்துமீறிய மீன்பிடியினால் பாதிக்கப்பட்டுள்ளதாக அதிகாரிகளிடம் முறைப்பாடு செய்தும், இதுவரை நடவடிக்கை எடுக்கப்படவில்லை” என, மீனவர்கள்  கவலைத் தெரிவிக்கின்றனர்.

கடலினையே நம்பி இரு கிராம மக்களும் உள்ள நிலையில், அத்துமீறி வரும் இந்திய றோலர்கள், சட்டவிரோத மீன்பிடியில் ஈடுபடுவதன் காரணமாக, தமது வாழ்வாதாரம் பாதிக்கப்படுவதாகவும் மீன்வளம்  இல்லாமல் கடற்றொழிலாளர்கள் கூறுகின்றனர்.

கடற்றொழிலாளர்களின் கூட்டங்களிலும் மாந்தை மேற்கு பிரதேச செயலகம், மன்னார் மாவட்டச் செயலகம் என்பவற்றில் நடைபெற்ற கூட்டங்களில் இந்திய றோலர்களைக் கட்டுப்படுத்துமாறு கோரிக்கைகள் விடுக்கப்பட்ட போதிலும் அதிகாரிகள், இதுவரை நடவடிக்கை எதனையும் எடுக்கவில்லை. அதன் காரணமாக அத்துமீறல் தொடர்கிறது” என அவர்கள் மேலும் கூறினர்.